Астанадағы балалар ауруханасында өрт шықты

Түнде №1 көпбейінді қалалық балалар ауруханасында өрт шықты. Оқиға туралы Астана әкімдігі мәлімдеді, - деп хабарлайды Tengrinews.kz тілшісі.

Әкімдіктің мәліметінше, 11 сәуірде сағат 22:48-де №1 көпбейінді қалалық балалар ауруханасының ғимараттарының бірінде өрт шыққаны туралы хабарлама түскен. Сағат 22:55-те оқиға орнына 101 қызметі жетті. Сағат 23:08-де өрт сөндірілді.

"Шұғыл қызметтер мен медицина қызметкерлерінің жедел әрекетінің арқасында ешкім зардап шеккен жоқ. Өртке байланысты балалар көрші ғимаратқа көшірілді", — делінген таратылған хабарламада.

Өрттің шығу себептері хабарланған жоқ.

Еске салайық, Астанадағы Түркістан көшесінде орналасқан көпқабатты тұрғын үйдің пәтерінде өрт шықты. Өрт орнынан кәмелетке толмаған үш баланың мәйіті табылды.