Атырауда 6 жасар қыз үй ауласында көз жұмды

Атырауда 6 жасар қыз дәретхана тесігіне құлап қайтыс болды. Бұл туралы ATPress.kz өңірдің ТЖД баспасөз қызметіне сілтеме жасап хабарлады.

Қайғылы оқиға 13 маусымда Қара депо шағын ауданында болды. Қыз кешкі сағат сегіз шамасында аулаға ойнауға шыққан. Алайда екі сағаттан кейін оның денесі екі метр тереңдікте қазылған шұңқырдан шығарылды.

"Балаларды ешқашан ересектердің қарауынсыз қалдырмаңыз", - дейді құтқарушылар.

Қазақстан жаңалықтары. Соңғы жаңалықтар. Telegram желісінде бізге жазыл!