Атырауда Жайық жағасынан әйелдің мәйіті табылды

Атырауда Жайық жағасынан әйелдің мәйіті табылды, - деп хабарлайды КТК телеарнасы. 

Облыстық полиция департаментінің баспасөз қызметінің мәліметінше, 23 қазанда Жайық өзенінің жағасында белгісіз адамның мәйіті табылғаны туралы хабар түскен.

"Кеше, 23 қазанда сағат 08:04 шамасында Балықшы шағын ауданы мен Жұмыскер елді мекенін жалғайтын көпірдің астанда өзен жағасында белгісіз адамның денесі табылды. Табылған адам 1968 жылғы әйел екені анықталды", - делінген хабарламада.

Бүгінде бұл дерекке қатысты ҚР Қылмыстық кодексінің 105-бабымен соталды тергеу жүріп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!