Атырау базарында пышақ ұстаған ер адам жұртты шошытты

Атырауда куәгер екі ер адамның қақтығысын видеоға түсіріп алды. Олардың бірі пышақпен қаруланған. Разборка по-атырауски" деп аталған ролик Instagram желісіндегі zello_atyrau парақшасында пайда болды.

"Ақ Жайық" сайтының мәліметінше, оқиға 1 шілдеде "Магнит" дүкенінің алдында болған. Кадрлардан ер адамдардың бірінің қарсыласына үлкен пышақпен шабуылдағаны көрінеді. Қарсыласы оған ұялы телефонын лақтырып жібереді. Осы кезде видео үзіліп қалған. Соңғы кадрларда оқиға орнына полицейдің жеткенін байқауға болады.

Облыстық ІІД өкілдері шабуыл жасаған адамның 31 жастағы жергілікті тұрғын екенін хабарлады. Оқиға кезінде ол мас болғанын және пышақты қайдан алғанын білмейтінін айтқан. 49 жастағы ер адамды ол танымайды екен. Пышақ ұстаған ер адамға қатысты "Ұсақ бұзақылық" бабы бойынша хаттама толтырылды.