Атырау облысында алты пәтерлі үйдің қабырғасы құлап қалды

Атырау облысында алты пәтерлі үйдің қабырғасы құлап қалды, - деп хабарлайды Tengrinews.kz тілшісі ҚР Төтенше жағдайлар министрлігінің баспасөз қызметіне сілтеме жасап.

Төтенше оқиға Мақат ауданының Ескі Мақат ауылында болды. Бірқабатты үйдің қаспеті құлап қалған. Үй 1930 жылы саманнан тұрғызылған. Оқиға салдарынан ешкім зардап шеккен жоқ. 

Қазір оқыс оқиға орнында арнайы комиссия жұмыс істеп жатыр. Еске салайық, өткен жылдың желтоқсанында Атырауда бесқабатты үйдің бірінші қабатында еден опырылып кеткен болатын. Төрт пәтер жертөлеге түсіп кетті. Екіподъезді тұрғын үйде 90 пәтер, оларда 300 тұрғын болды. Жергілікті билік тұрғындарды жаңа пәтерге көшіруге уәде берді.