Атырауда ашуға булыққан қыз көшеде тұрған көлікті талқандады

Куәгер жолдаған сурет

Қазнетте көпшіліктің назарын аударған ролик пайда болды. Белгісіз адам қыздың көлікті кірпішпен ұрып, қиратқанын видеоға түсіріп алған.

Алдын ала мәлімет бойынша, оқиға 1 сәуірде Атырау қаласында болған. Кадрлардан қыздың тұрғын үйдің маңына қойылған қара түсті Lada Priopa көлігін бүлдіріп жатқаны көруге болады. Ал оның әрекетін біреулер көрші үйдің терезесінен түсіріп алған.

Қыздың не оймен бұл әрекетке барғаны әзірше белгісіз. Роликке қатысты жазылған пікірлерде қолданушылар қыздың бұл іске қызғаныштан барғанын топшылап отыр.

© Куәгер жолдаған сурет