Атырауда тасжолда көктайғақ салдарынан жүк көлігі аударылып кетті

Атырауда тасжолда көктайғақ салдарынан жүк көлігі аударылып кетті, - деп хабарлайды Tengrinews.kz тілшісі "Мой Город" басылымына сілтеме жасап.

Жол-көлік оқиғасы Атырау-Махамбет тасжолында болған. Фураның ұшып кеткен сәті түсірілген видеоны Instagram желісіндегі zello_atyrau парақшасы жариялады.

Басылымның мәліметінше, Атырау облысында қатты жауған жауын-шашыннан кейін тасжолды мұз басқан.

Атырау облыстық Полиция департаментіндегілер бұл жағдайға қатысты әзірше пікір білдірмеді.