Атыраулық шенеунік туыстарының бизнесіне болысты деп айыпталды

Атырау облысы Жылыой ауданындық Мемлекеттік кірістер басқармасының басшысына қатысты сотқа дейінгі тергеу аяқталды, - деп хабарлайды ATPress.kz. 

Маусым айында Мемлекеттік кірістер департаментінің ішкі қауіпсіздік қызметі аудандық бөлімшенің басшысы Бақытқали Жарылғаповтың қамауға алынғанын хабарлаған болатын. Бастапқыда шенеунікке қызметтік өкілеттігіні асыра пайдаланды деген айып тағылған болатын, алайда кейінірек оның қылмыстық әрекеттері басқа баптарға ауыстырылған еді.

Мемлекеттік кірістер департаментінің Ішкі қауіпсіздік басқармасындағылар ATPress.kz тілшісіне Жарылғаповқа қызметтік өкілеттігін асыра пайдаланды және кәсіпкерлік қызметке заңсыз араласты деген айып тақты. Тергеу мәліметінше, шенеунік жақын кәсіпкер туыстарының бизнесіне болысқан.

Қазіргі уақытта осы іске қатысты сотқа дейінгі тергеу аяқталды. Іс материалдары айыптау актісімен бірге қабылданған процессуалдық шешімнің заңдылығын тексеру мақсатында Атырау облыстық прокуратурасына жіберілді.