Ауыр қылмыс жасады деген күдікті әйел Грузиядан Қазақстанға экстрадицияланды

Қаржы пирамидасын басқарғаны үшін іздеуде жүрген тұлға Грузиядан экстрадицияланды, - деп хабарлайды Tengrinews.kz тілшісі.

Бас прокуратура мен Қаржы мониторингі агенттігінің қызметкерлері Қазақстанның Грузиядағы Елшілігі көмегімен экономикалық қызмет саласында ауыр қылмыс жаса деген күдікті Қазақстан азаматшасын Грузиядан экстрадициялады.

"Күдікті Астанада World Busines Consulting қаржы пирамидасының құрылымын басқарды, оның бөлімшелер желісі 2018-2022 жылдары Қазақстанның түрлі өңірлерінде азаматтарменжоғары пайда алуды сылтауратып, 6,5 млрдтеңгеден астам қаржыны заңсыз тартқан. Аталған қылмыстық ұйымның бірқатар қатысушылары бас бостандығынан айырылған", - делінген хабарламада.

Қылмыс жасағаннан кейін күдікті жасырынып, оған халықаралық іздеу жарияланған. 2025 жылдың қарашасында ол Грузияда ұсталып, Қазақстан Республикасы Бас прокуратурасының сұрауы бойынша елге экстрадицияланды.

Қазір күдікті уақытша ұстау изоляторына қамалған.

Көрсетілген қылмысты жасағаны үшін мүлкі тәркіленіп, 12 жылға дейінгі мерзімге бас бостандығынан айыру жазасы қарастырылады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!