"Автобус орнынан жұлқынып қозғалды, әйел адам құлап түсті". Желіде Астанада болған оқиға талқыланып жатыр

Астанада әйел адам жүріп бара жатқан автобустан сыртқа құлады, - деп хабарлайды Tengrinews.kz тілшісі. Facebook желісінде бұл оқиға туралы хабарлама пайда болды. 

"(...) "Сары-Арқа" сауда, ойын-сауық орталығындағы аялдамада автобус орнынан жұлқынып қозғалды, әйел адам сыртқа құлады. Алдамаларда 15 минуттан тұрып, адам жинайды да, бір-бірімен жарысады. Астананың көлік саласында қашан тәртіп болады?", - деп жазыпты Лаура Түсіпбекова. 

Астана әкімдігінің өкілдері әзірге ешқандай шағым түспегенін айтады. 

"Дерек тәртіптік кеңесте қаралып жатыр", - дейді Астана әкімдігінің баспасөз хатшысы Эльвира Жүргенбаева. 

Айта кетейік,14 тамызда осыған ұқсас жағдай болған. Автобус аялдамадан шыға бергенде автобустан 16 жастағы қыз құлап қалған. Оны қалалық ауруханаға алып кеткен.