Кеше | 18:05

Әзербайжан президенті Ақтаудағы ұшақ апаты туралы айтты

Фото: ҚР ТЖМ

Әзербайжан президенті Ильхам Әлиев Ақтаудағы ұшақ апаты туралы пікір білдірді, - деп хабарлайды Tengrinews.kz тілшісі.

Әзербайжан президенті Ильхам Әлиев Ақтаудағы ұшақ апаты туралы пікір білдірді, - деп хабарлайды Tengrinews.kz тілшісі.

Баку қаласына Санкт-Петербургтен оралғаннан кейін өткен шұғыл жиын барысында Ильхам Әлиев апаттың себептері әлі анықталмағанын мәлімдеді.

"Маған берілген ақпаратқа сәйкес, AZAL компаниясының Баку-Грозный бағыты бойынша ұшып бара жатқан ұшағы ауа райының нашарлауына байланысты бағытын өзгертіп, Ақтау әуежайына қонуға бағытталды, онда қону кезінде апат болды", - деді Әлиев.

Әлиевтің айтуынша, бұқаралық ақпарат құралдарында және әлеуметтік желілерде апат сәтінің кадрлары бар, олар баршаға қолжетімді.

"Дегенмен, апаттың себептері бізге белгісіз. Түрлі болжамдар бар. Бұл мәселені айтуға әлі ерте деп есептеймін. Бұл сұрақ толық тексерілуі керек", - деп қорытындылады ол.

Айта кетейік, алғашқы хабарлар 11:20-да келіп түскен, сол кезде Бакуден Грозныйға бағыт алған ұшақ Ақтауға жедел қону үшін сұраныс жасағаны туралы айтылды.

Грозный әуежайының баспасөз қызметі мәліметіне сәйкес, ұшақтың бағытын өзгертуге қалың тұман себеп болған. Ұшақ алдымен Махачкалаға, содан кейін Ақтауға қайта бағытталған.

Еске салайық, 25 желтоқсанда Ақтау маңында ұшақ апатқа ұшырады. Ұшақ Бакуден Грозныйға ұшып бара жатқан. Бұл ұшақ Azerbaijan Airlines әуекомпаниясына тиесілі.

Кейінірек Төтенше жағдайлар департаменті оқиға орнына барды. Құтқарушылар жеткен кезде ұшақ өртеніп жатқаны анықталды. ТЖМ тірі қалғандар бар екені туралы айтты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Ақтау ұшақ апаты

Вопрос от редакции

Что вы об этом думаете?