Байқоңырдағы жалғыз сауда орталығы өртеніп кетті

Байқоңырдағы жалғыз сауда орталығы "Еуразия" өртеніп кетті, - деп хабарлайды Tengrinews.kz тілшісі куәгерлерге сілтеме жасап.

Оқиға Астана уақыты бойынша сағат 2.45-те басталған. Куәгерлердің айтуынша, олар түнде қатты шыққан дыбыстарды естіп, көшеге шыққан. Кейін газ баллонының жарылғаны анықталды. Өрт барда басталып, 3 және 4-корпустарға өршіген, сонымен қатар, басты корпус та отқа оранды. Шатырдың кей жерлері опырылып түсті.

Өрт таңғы сағат 7-де сөндірілді. Зардап шеккендер мен қаза тапқандар жоқ. Оқиға орнында ҚР ТЖМ Байқоңыр қалалық өрт сөндіру қызметі мен Ресей ТЖМ жұмыс істеді.