Балқашта түйелерді қорлау сәті видеоға түсірілді

Балқашта куәгерлер малшылардың түйелерді сабаған дерегін видеоға түсіріп алды, - деп хабарлайды Tengrinews.kz тілшісі.

"Біз досымыз екеуміз көлікпен кетіп бара жатып, адамдардың жиналып тұрғанын, камераларды, малдарды көрдік. Тоқтайын деп шештік. Түнгі уақыт болатын. Малшылар түйелер мен оның боталарын аяусыз ұрып жатты, жануарлар ауыр соққыдан қатты шыңғырып жатты. Басы мен денесін ұрды", - дейді куәгер Алмас Ақбаев. 

Видеода малдарды көлікке айдап, таяқтап, басынан бөтелкемен ұрып жатқаны түсірілген. 

Әкімдік пен полиция өкілдері бұл оқиғаның қандай жағдайда болғанын анықтап жатыр.