Басына кірпіш түскен: Оралда әйел қаза болды

Оралда әйелдің үстіне биіктен кірпіш құлады. Ол оқиға орнында қаза болды, - деп хабарлайды Tengrinews.kz тілшісі mgorod.kz сайтына сілтеме жасап.

Қайғылы оқиға 26 қарашада сағат 14:35-те Назарбаев даңғылы бойында болған. Бұл туралы Орал ПБ баспасөз қызметі хабарлады.

Полицейлердің мәліметінше, Назарбаев даңғылы бойындағы №236 үйдің жанынан өтіп бара жатқан әйелдің басына кірпіш құлаған. Ол алған жарақаттарынан сол жерде көз жұмды.

Қайғылы оқиғаның себептерін тергеу тобы мен жергілікті атқарушы органдардың өкілдері анықтап жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!