Батыс Қазақстанда шекарашы жол апатынан қаза тапты

Батыс Қазақстан облысы, Жәнібек ауданына қарасты Өнеге ауылы маңында Казталовка – Өнеге – Жәнібек тасжолында адам өліміне әкелген жол апаты болды, - деп хабарлайды Tengrinews.kz тілшісі "Мой город" басылымына сілтеме жасап.

Алдын ала мәліметтер бойынша, Ford Focus жүргізушісі жүк көлігін басып озу кезінде қарама-қарсы қозғалыс жолағына шығып, Chevrolet Cobalt көлігімен соқтығысқан. Апат салдарынан үш адам қаза тауып, Ford Focus көлігінің төрт жолаушысы жарақат алды.

Қаза тапқандардың бірі шекара қызметінің қызметкері екені анықталды.

"Қазіргі уақытта полиция алдын ала тергеу амалдарын жүргізіп жатыр. Қылмыстық іс қозғалды. Ресми ақпарат әлі жарияланған жоқ. Өз кезегінде, Шекара қызметі қызметтік тексеріс бастады", – деп мәлімдеді ҰҚКД Шекара қызметі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!