Бір тәулікте үш адам суға кетті

Қазақстанда бір тәулікте үш адам суға кетті, - деп хабарлайды Tengrinews.kz  Төтенше жағдайлар министрлігіне сілтеме жасай отырып. 

7 мамыр күні Жамбыл облысының Қасық ауылындағы "Георгиевка" каналында 14 жастағы жасөспірім суға батып кеткен. Жасөспірімнің денесін сағат 20:10-да жергілікті тұрғындар судан алып шыққан. 

Тағы да сол аталған облыстың Қаратау ауылындағы Жартас өзенінде сағат 16:15-те  16 жастағы жасөспірім суға кеткен. Оның денесін 16:50-де Төтенше жағдайлар министрлігінің судан қорғау қызметкерлері тапқан. 

Сондай-ақ осы тәулікте Маңғыстау облысы Қарқара ауданында 29 жастағы ер адам суға батып мерт болды. Оның денесі демалыс аумағы қызметкерлерінің көмегімен судан табылған.