БҚО-да 6 жастағы қыз токқа түсіп мерт болды

Батыс Қазақстан облысындағы Дерқұл ауылында алты жастағы қыз токқа түсіп, қайтыс болды. Бұл дерек бойынша қылмыстық іс қозғалды, - деп хабарлайды "Мой Город". 

Алты жастағы қыз 2 мамырда өз үйінің ауласында қайтыс болды. Материал алдын ала жазатайым оқиға ретінде тіркелді. Алайда артынша қыз токқа түсіп, мерт болғаны анықталған. 

Бүгінде бұл іс ҚР Қылмыстық кодексінің 3-бөлігі 306-бабы - "Қауіпсіздік талаптарына сай келмейтін тауарларды шығару немесе сату, жұмыстарды орындау не қызметтер көрсету" бойынша қайтадан квалификацияланды. 

Портал мәліметінше, қайғылы оқиға болған күні оқиға орнында "ЗапКаз РЭК" АҚ және газ қызметінің қызметкерлері жұмыс істеп тұрған.  

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!