БҚО-да дауыл соғып, үйлер шатырсыз қалды

Батыс Қазақстан облысында дауыл соғып, үйлердің шатырын ұшырды, - деп хабарлайды Tengrinews.kz тілшісі "Мой город" порталына сілтеме жасап.

БҚО төтенше жағдай департаменті баспасөз қызметінің мәліметінше, 6 тамызда Сырым ауданы Талдықұдық ауылында дауыл 11 үй және 10 ауыл шаруашылығы нысанының шатырын ұшырғаны туралы хабар түскен. Ал дауыл 5 тамызда соққан.

Сондай-ақ, бұл ауылда электр сымдары үзіліп, 30 үй жарықсыз қалған.

Сонымен қатар, 5 тамызда Ақжайық ауданы Жубан ауылында қатты жел соғып, ондағы ғимараттың шатырын ұшырып әкеткен. Оқыс оқиғадан ешкім зардап шекпеген.

Мамандар шығынның мөлшерін есептеп жатыр.

Қазақстан жаңалықтары. Соңғы жаңалықтар. Telegram желісінде бізге жазыл!