БҚО-да ер адам тоғызыншы қабаттан құлап, қаза тапты

БҚО-да көпқабатты үй шатырынан ер адам құлап кетті. Ақпаратты БҚО Полиция департаменті растады, - деп хабарлайды "Мой ГОРОД".

Басылым мәліметінше, 1961 жылы туған ер адам тоғыз қабатты үй шатырынан құлап, қаза болған. "МГ" мәліметіне сүйенсек, марқұм "КПО Б.В." компаниясында жұмыс істеген. Бұл ретте кәсіпорынның баспасөз қызметі өкілдері "бұл ақпаратты растай да алмаймыз, жоққа шығара да алмаймыз" деп жауап беріп, жазбаша сауал жолдауды өтінген.

Дерекке қатысты ҚР Қылмыстық кодексінің 105-бабы 1-бөлігі "Өзiн-өзi өлтiруге дейiн жеткiзу" бойынша соталды тергеу басталған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!