БҚО-да полицейлер жүргізушіні тоқтатып, өздері айыппұл алды

БҚО-да полиция өз әріптестеріне айыппұл салды, - деп хабарлайды Tengrinews.kz тілшісі "Мой город" дерегіне сілтеме жасап.

Кирсаново – Орал тасжолында Toyota Land Cruiser автокөлігі тоқтатылған. Жүргізуші бірнеше ережені бұзғаны белгілі болды: көлікте техникалық ақаулар бар, маневр жасау ережелері бұзылған, жылдамдықты асырған, сондай-ақ көлік заңсыз қайта жабдықталған.

Алайда, тоқтатқан патрульдік көлікте де ақаулар бар болып шықты. Атап айтқанда, оның алдыңғы әйнегі зақымдалған, осыған байланысты полиция қызметкерлеріне айыппұл салынды.

Патрульдік көлік ақауларды жою үшін базаға жіберілгені айтылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!