Бурабайда мешітте өрт шықты

Бурабайда мешітте өрт шықты, - деп хабарлайды Tengrinews.kz тілшісі ҚР ІІМ Төтенше жағдайлар комитетіне сілтеме жасап.

Өрт Бурабай ауданы, Бурабай ауылы, Кенесары көшесі, № 57 мекенжайда болған.

"Мешіт ғимаратының шатыры өртенген. Өрт сағат 13.45-те ауыздықталып, 14.20-да сөндірілді. Өрт 150 шаршы метр аумақты қамтыған. Қаза тапқандар мен зардап шеккендер жоқ. Өртті сөндіруге 35 адам мен 11 дана техника жұмылдырылды", - деді ҚР ІІМ Төтенше жағдайлар комитетінің ресми өкілі Руслан Иманқұлов.

Видео мен суреттердің авторы: Әділбек Арынғазы