Cемейде таксопарктың бас менеджері өзін-өзі атты

Cемейде таксопарктың бас менеджері өзін-өзі атып өлтірді. "Өзін-өзі өлтіру" бабы бойынша сотқа дейінгі тергеу жүргізіліп жатыр, - деп хабарлайды Tengrinews.kz тілшісі.

Оқиға 23 қаңтарда түскі уақытта болған. Ер адам өз үйінен өлі табылған. Оқиға орнына келген жедел жәрдем қызметкерлері ер адамның оқ жарақатынан қаза тапқанын айтты. Полицейлер оқиғаның мән-жайын анықтап жатыр. 

"30 жастағы ер адам Торайғыров көшесіндегі үйінен табылды. Оқ жарақатын алған. Полицейлер сотқа дейінгі тергеу жұмыстарын жүргізіп жатыр. Алдын ала нұсқа бойынша - өзін-өзі өлтіру дерегі. Қазіргі уақытта оқиғаның мән-жайы анықталып жатыр", - деді полицейлер.

Қаза тапқан ер адамның кәсіпорын басшысының бауыры болғаны белгілі.

Айта кетейік, "Таксомоторный парк" ЖШС - Семейде жолаушылар тасымалымен айналысатын ірі автобус парктерінің бірі. Сонымен қатар, бұл мекеме халыққа такси қызметін көрсетіп, техника жөндеумен айналысады.