Депутаттың өз көлігімен Мәншүк Мәметованың ескерткішіне соғылған сәті бейнеленген видео пайда болды

Интернетте депутаттың автомобилмен Мәншүк Мәметованың ескерткішіне соғылған сәті бейнеленген видео пайда болды, - деп хабарлайды "Мой ГОРОД".

Видеодан жоғары жылдамдықпен келе жатқан автомобильдің гүлзарды басып өтіп, Мәншүк Мәметованың ескерткішінің ернеуіне шығып кеткенін көруге болады.

Еске сала кетейік, Оралда 26 шілдеде күндізгі уақытта автомобиль Мәншүк Мәметованың ескерткішіне барып соғылған болатын. Кейін автомобиль тізгінінде Батыс Қазақстан облысының мәслихат депутатының отырғаны анықталды. Ол жол-көлік оқиғсының қалай болғанын түсіндіріп берді.