Гонконгтен Нұр-Сұлтанға ұшып шыққан ұшақ Алматыға шұғыл қонды

Гонконгтан ұшып шыққан ұшақ 26 қыркүйекте Алматы әуежайына шұғыл түрде қонды, - деп хабарлайды Tengrinews.kz тілшісі.

Әуежайдың баспасөз қызметі мәліметінше, Гонконгтан Нұр-Сұлтанға ұшатын AСТ әуе компаниясының Boeing 747 жүк тасымалдайтын ұшақ командирі техникалық себеппен Алматыдағы балама аэродромға қонуды ұйғарған.

"Төтенше жағдай жарияланған жоқ, қону жергілікті уақытпен сағат 21.12-де қалыпты режимде өтті", - деді баспасөз қызметі өкілі.

Айта кетейік, 3 қыркүйекте қозғалтқышы істен шыққан ұшақ Алматы әуежайына қонған болатын. East Wing әуе компаниясының ұшағы Алматыдан Семейге ұшу керек болған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!