+7 (777) 001 44 99
Қазақша
Русский
English
14 қаңтар 2020 | 14:20
Жамбыл облысында екі жұмысшыны пойыз басып кетті
Жамбыл облысында пойыз астына түскен екі адам қаза тапты. Тергеу шаралары басталды, - деп хабарлайды Tengrinews.kz тілшісі Көліктегі полиция департаменті баспасөз қызметіне сілтеме жасап.
ПОДЕЛИТЬСЯ
Жамбыл облысында пойыз астына түскен екі адам қаза тапты. Тергеу шаралары басталды, - деп хабарлайды Tengrinews.kz тілшісі Көліктегі полиция департаменті баспасөз қызметіне сілтеме жасап.
"Биыл 13 қаңтарда Жамбыл облысындағы Бел станциясына кіреберіс жерде Алматы - Ақтөбе бағытында қатынайтын жолаушылар пойызының локомотиві екі адамды қағып кеткен. Олар алған жарақатынан оқиға орнында қаза тапқан. Оқиға орнына Шу станциясының тізбектегі полиция бөлімінің жедел-тергеу тобы аттанған. Қаза тапқандардың кім екендері анықталды. Олар 33 жастағы және 44 жастағы теміржол ұйымының бірінде істейтін жұмысшылар екені анықталды", - делінген полиция хабарламасында.
Осы дерекке қатысты ҚР Қылмыстық кодексінің 344-бабы 3-бөлігі ("Темiржол, әуе, теңіз немесе өзен көлiгi жүрісі немесе оларды пайдалану қауiпсiздiгi қағидаларын бұзу, абайсызда екi немесе одан да көп адамның өлiмiне әкеп соққан іс-әрекет") бойынша сотқа дейінгі тергеу шарасы басталған.
Тергеу барысында оқиғаның мән-жайы анықталады.
Показать комментарии
Читайте также
