Жамбыл облысында мерзімді қызметтегі сарбаз жоғалып кетті

Жамбыл облысындағы "Андас батыр" шекара бөлімшесінде мерзімді қызмет өткеріп жүрген әскери қызметші жоғалып кетті, - деп хабарлайды Tengrinews.kz тілшісі ҰҚК баспасөз қызметіне сілтеме жасап. 

"ҰҚК Шекара қызметінің Жамбыл облысы бойынша департаменті 2022 жылдың 2 наурызында жоғалып кеткен "Андас батыр" шекара бөлімшесінде мерзімді қызмет өткеріп жүрген әскери қызметші қатардағы жауынгер Ұлықбек Айдарбекұлы Бердишевті іздеп жатыр", - делінген хабарламада.

Іздеуге Жамбыл облысы бойынша Шекара қызметінің департаменті мен Полиция департаментінің күштері қатыстырылды.

Осы дерек бойынша тергеу іс-қимылдары мен қызметтік тергеп-тексеру жүргізіліп жатыр.

ҰҚК өкілдері Ұлықбек Бердишевке қатысты қандай да бір ақпарат білсеңіздер, мына телефон номерлері арқылы - 110 (ҰҚК сенім телефоны), 87172719458 (Шекара қызметінің сенім телефоны) хабарлауды сұрады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!