Жаңаөзенде ер адам карантин кезінде той жасаған

Маңғыстау облысында ер адам карантин кезінде 40 адамға той жасаған, - деп хабарлайды Polisia.kz.

Өңірде карантин режимі енгізілген соң полиция халық арасында түсіндіру жұмыстарын жүргізген. 

Оқиға 9 тамызда түскі сағат 12-де болған. Жаңаөзен қаласы полиция департаментінің қызметкерлері жер үйдің аумағында шамамен 40 адамға той жасалғанын анықтаған. Осылайша жер үйдің иесі карантин талабын бұзған.

"Тәртіп сақшылары ҚР Әкімшілік құқық бұзушылық кодексінің 425-бабы бойынша әкімшілік хаттама толтырған. Іс Маңғыстау облысы санитариялық-эпидемиологиялық бақылау департаментінің қарауына жіберілді", - делінген облыстық полиция департаменті таратқан хабарламада.

Маңғыстау облысы полиция департаменті тұрғындарға карантин талабын бұзбай, сақтық шараларын қатаң сақтау керегін ескертті.

Қазақстан жаңалықтары. Соңғы жаңалықтар. Telegram желісінде бізге жазыл