Жеңіл көліктің артындағы сиырлар семейліктерді таңғалдырды

Семейде Абай облысының тұрғыны екі сиырды жеңіл көлікке салып тасымалдап бара жатқаны видеоға түсіп қалды, - деп хабарлайды Tengrinews.kz тілшісі.

Бұған дейін әлеуметтік желіде "Жигули" көлігі жүргізушісінің сиырларды алып бара жатқанын көрсететін видео пайда болған. Кадрлардан артқы орындықта "жайлы" отырған екі сиырды көруге болады.

Полицейлер жүргізушіні анықтады.

"ВАЗ-21060" автокөлігінің 35 жастағы жүргізушісі жолаушылар мен жүктерді тасымалдау ережелерін сақтамағаны үшін әкімшілік жауапкершілікке тартылды. Осы бапқа сәйкес 5 АЕК мөлшерінде айыппұл қарастырылған", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!