+7 (777) 001 44 99
Қазақша
Русский
English
30 сәуір 2022 | 15:25
"Жүк көлігі аударылып кеткен". Павлодар облысында 2 адам жол апатынан қаза тапты
Павлодар облысында жол апатынан екі адам қаза тауып, үшеуі жарақат алды. Зардап шеккен жолаушылардың бірі жансақтауда, - деп хабарлайды Tengrinews.kz тілшісі.
ПОДЕЛИТЬСЯ
Павлодар облысында жол апатынан екі адам қаза тауып, үшеуі жарақат алды. Зардап шеккен жолаушылардың бірі жансақтауда, - деп хабарлайды Tengrinews.kz тілшісі.
Оқиға орнынан түсірілген сурет Instagram-да жарияланды. Қатты соққыдан жүк көлігі аударылып кеткен, жеңіл көліктің де жағдайы мәз емес, майысып қалған.
Павлодар облысы полиция департаменті баспасөз қызметінің мәліметінше, жол апаты 30 сәуірде сағат 09.05-те Шақат ауылы маңындағы Шақат - Восточный - Шалдай автожолының екінші шақырымында болған.
"24 жастағы ВАЗ 2110 жүргізушісі ГАЗ 53 жүк көлігімен соқтығысты. Жол-көлік оқиғасы салдарынан ВАЗ көлігінің 1987 және 1978 жылдары туған жолаушылары оқиға орнында қаза тапты", - деп хабарлады Павлодар облыстық полиция департаментінің баспасөз қызметі.
Павлодар облысы Денсаулық сақтау басқармасының баспасөз қызметі зардап шеккен тағы үш адам ауруханаға жеткізілгенін хабарлады.
Апаттың мән-жайы мен себептері анықталып жатыр.
"Аталған дерек бойынша тексеру жүріп жатыр. Қажетті сараптамалар тағайындалды. Автокөліктер арнайы көлік тұрағына қойылды", - деді аймақтың ПД баспасөз қызметіндегілер.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
