Қарағанды ​​маңында 14 жүк вагоны рельстен шығып кетті

Қарағанды ​​облысындағы Қарабас учаскесінде 14 жүк вагоны рельстен шығып кетті, - деп хабарлайды Tengrinews.kz тілшісі "Қазақстан темір жолы" компаниясының баспасөз қызметіне сілтеме жасап.

"17 қарашада сағат 06:15-те Қарағанды ​​облысының Қарағанды-Сортировочная-Ақадыр учаскесінің Қарабас - ОП 767 учаскесінде жүк пойызының 14 вагоны рельстен шығып кетті. Құрбандар мен зардап шеккендер жоқ", - делінген хабарламада.

Бұл учаскеде жолаушылар және жүк пойыздарының қозғалысы уақытша тоқтатылды. Алдын ала болжам бойынша, рельстен шығу жекеменшікке тиесілі вагондардың дұрыс жұмыс істемеуінен болған.

ҚТЖ-да болған оқиғаның мән-жайын анықтау үшін арнайы комиссия құрылды.

Оқиға орнына Қарағанды, Жаңаарқа, Астана станцияларының үш қалпына келтіру пойызы жұмылдырылған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!