+7 (777) 001 44 99
Қазақша
Русский
English
12 қазан 2021 | 09:04
Қарағанды маңында жантүршігерлік апат болып, үш адам қаза тапты
Қарағанды облысында екі көлік соқтығысып, үш адам қаза болды, - деп хабарлайды Tengrinews.kz тілшісі.
ПОДЕЛИТЬСЯ
Қарағанды облысында екі көлік соқтығысып, үш адам қаза болды, - деп хабарлайды Tengrinews.kz тілшісі.
Жол-көлік оқиғасы Абай-Шахтинск тас жолында Агрогородок ауылының маңында болды. Әлеуметтік желілерде оқиға орнынан түсірілген суреттер тарады.
Алдын ала мәліметтер бойынша, 19 жастағы жүргізуші басқарған Lada Priora автокөлігі қарсы бағыттағы жолаққа шығып, "Нивамен" соқтығысқан.
Апат салдарынан Lada Priora көлігінің 18 жастағы жолаушысы мен "Ниваның" 52 жастағы жолаушысы оқиға орнында қаза тапты. Екі жүргізуші, Lada Priora көлігінің тағы екі жолаушысы түрлі жарақатпен ауруханаға жеткізілді. Олардың бірі, 18 жастағы жігіт ауруханада қайтыс болды.
"Бұл дерек бойынша ҚР Қылмыстық кодексінің 345-бабы 4-бөлігіне ("Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы") сәйкес қылмыстық іс тіркелді. Тиісті сараптамалар тағайындалды. Олардың нәтижесі бойынша процессуалдық шешім шығарылады", - деді Қарағанды облысы ПД баспасөз қызметінің өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
