+7 (777) 001 44 99
Қазақша
Русский
English
21 желтоқсан 2020 | 08:29
Қарағанды облысында әйел сырғанақта омыртқасын сындырып алды
Қарағанды облысы Жаңаарқа ауданының тұрғыны сырғанақта омыртқасын сындырып алды, - деп хабарлайды Tengrinews.kz тілшісі.
ПОДЕЛИТЬСЯ
Қарағанды облысы Жаңаарқа ауданының тұрғыны сырғанақта омыртқасын сындырып алды, - деп хабарлайды Tengrinews.kz тілшісі.
Қайғылы жағдай Жаңаарқа ауылында болған. Зардап шеккен әйел сырғанақта құлап қалған. Оқиға орнында түсірілген видео Instagram желісінде жарияланды. Кадрдан әйелдің айналасында адамдардың жиналып тұрғанын көруге болады. Құлаған әйел тыныс алуы қиындағанын айтады. Ал ролик авторы сырғанақта абай болуға шақырды.
"Зардап шеккен әйел медициналық мекемеге жатқызылды. Омыртқасы сынған және ауыртып алған жерлері бар. Ол қазір ауруханада", - деді Қарағанды облысы Денсаулық сақтау басқармасындағылар.
Жаңаарқа ауданы әкімдігіндегілер бұл сырғанақты жергілікті тұрғын жасап қойғанын атап өтті.
"Бұл сырғанақты адамдар өтініш жасағаннан кейін жергілікті тұрғын өз ақшасына Жаңаарқа ауылының әкімдігіне ескертпей жасады. Әкімдік жазбаша рұқсат берген жоқ. Р. есімді азаматтың жағдайынан кейін техника қауіпсіздігін сақтау түсіндірілді. Сырғанақ ҚР Мемстандарт 2989-2017-ге сәйкес техникалық жағдайға сай реттелді", - деді әкімдіктегілер.
Еске салайық, бұған дейін Алматы облысында 10 жастағы қыз сырғанақта қайтыс болғаны хабарланған еді. Қайғылы оқиға 19 желтоқсанда Көксу ауданында болған. Әкімдік баспасөз қызметінің мәлеметінше, оқиға Мұқры тауында болған. Бұл жер балалардың ойнауына арналмаған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
