Қарағанды ​​облысында жол апатынан кейін Volkswagen екіге бөлініп кеткен

Жол апаты 11 қарашада кешке, Осакаровкадан шамамен 40 шақырым жерде болған. Полиция мәліметінше, соқтығысқан сәтте жол тайғақ болған, ауа райы қозғалысты қиындатқан.

Соққы күшті болғаны соншалық, Passat көлігі бөлініп, жол жиегіне ұшып кеткен. Екінші, Lexus көлігі алдыңғы жағынан қатты зақымданған.

"Жол-көлік оқиғасы салдарынан көліктерге механикалық зақым келді. Факт полицияда тіркелді. Зардап шеккендер жоқ", – деп хабарлады Қарағанды облысы Полиция департаментінің баспасөз қызметі.

Қазір полицейлер апаттың барлық мән-жайын анықтап жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!