Қарағандыда "Алтын Арба" базарындағы үш дәмхана өртенді

Қарағандыда "Алтын Арба" базарындағы үш дәмхана өртенді. Өрт сөндіруге 52 құтқарушы мен 15 техника жұмылдырылды. Өрт аумағы 500 шаршы метр болды, - деп хабарлайды Tengrinews.kz тілшісі.

Базарда өрт шыққаны туралы хабарлама өрт сөндіру қызметіне 01.03-те келіп түскен. Оқиға орнына бірден Қарағанды облысы ТЖД күштері жіберілген. Оқиға орнына келген олар "Алтын Арба" базары аумағындағы үш фаст-фуд нысанында ағаш қаптама, жылытқыш, жиһаз, жабдықтар мен ас үй керек-жарақтары жанып жатқанын анықтаған.

Өрттің жалпы аумағы - 500 шаршы метр.

"Құрбандар мен зардап шеккендер жоқ. Өрт 01.52-де ауыздықталды. Өртті сөндіруге 52 қызметкер мен 15 техника жұмылдырылды. Өрттің шығу себебі анықталып жатыр", - деді Қарағанды облысы ТЖД баспасөз қызметі өкілі.

Қарағанды облысы ТЖД ұсынған суреттер мен видео

Сілтемесіз жаңалық оқисыз ба? Онда Telegram желісінде парақшамызға тіркеліңіз!