Қарағандыда жол апаты салдарынан бірқатар үй жылусыз қалды

Қарағандыда бірқатар көпқабатты үй жылу берудің төменгі режиміне ауыстырылды. Бұған жол апаты себеп болған, - деп хабарлайды Tengrinews.kz тілшісі.

Жол-көлік оқиғасы таңғы сағат 5:30 шамасында Гоголь көшесі мен Спасское тасжолы қиылысында болған. Қала әкімдігі мәліметінше, ауыр жүк көлігінің жүргізушісі тік П-тәрізді компенсатормен соқтығысып, оны зақымдаған. Апат салдарынан қаланың орталық бөлігіндегі үйлер жылу берудің төмен режиміне көшірілген.

"Оқиға орнына жедел жеткен "Теплотранзит Қарағанды" ЖШС бригадасы құбырдағы диаметрі 1000 миллиметр ақауды анықтады. Ақауды жою үшін Жаңа қала тұтынушылары төмендетілген режимге көшіріледі", - деді Қарағанды ​​облысы әкімдігінің баспасөз қызметі өкілдері.

Сілтемесіз жаңалық оқисыз ба? Онда Telegram желісінде парақшамызға тіркеліңіз!