Қасқырды шынжырмен ұрып өлтірген: полиция видео "кейіпкерін" тапты

Ақтөбе облысының полицейлері қасқырды шынжырмен ұрып өлтірген ер адамды анықтады, - деп хабарлайды Tengrinews.kz тілшісі.

Ақтөбе облысының полицейлері әлеуметтік желідегі мониторинг барысында ер адамның қасқырды шынжырмен ұрып жатқаны түсірілген видеоны тапқанын хабарлады.

Ырғыз аудандық Полиция басқармасының қызметкерлері бұл видеоға қатысушы 37 жастағы тұрғынды анықтады. Ұсталған ер адам қасқыр малына шабуыл жасамақ болғанын, сондықтан малын қорғау үшін мотоциклмен жыртқышты қуып жетіп, шынжырмен ұрғанын түсіндірді. Ер адамға қатысты Қылмыстық кодекстің 316-бабы 3-бөлігі соталды тергеу басталған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!