23 желтоқсан 2024 | 08:47

Қазақстанның екі облысында жоғалған шопандар аман-есен табылды

Фото:depositphotos.com

Жетісу облысында мал бағуға кетіп, үйіне оралмаған ер адамды құтқарушылар аман-есен тапты, - деп хабарлайды Tengrinews.kz тілшісі.

Жетісу облысында мал бағуға кетіп, үйіне оралмаған ер адамды құтқарушылар аман-есен тапты, - деп хабарлайды Tengrinews.kz тілшісі.

Қазақстан ТЖМ мәліметінше, 1980 жылы туған шопан Панфилов ауданы Сарыбел ауылының шетіне шығып, жоғалып кеткен.

"Уайымдаған туыстары құтқарушылардан көмек сұрады. Іздеу тобы жоғалған азаматты Сарыбел ауылынан 5 шақырым жерде тапты", - делінген баспасөз хабарламасында.

Ер адам жедел жәрдем қызметкерлеріне тапсырылып, оның жағдайы тұрақты екені хабарланды.

Сонымен қатар, ведомство мәліметінше, Ақтөбе облысының Темір ауданында жоғалған шопандар табылған. Кеңқияқ ауылынан екі адамның мал іздеуге шығып, оралмағаны туралы хабар 112 пультіне түскен.

"Іздеу тобы азаматтарды Шұбарқұдық ауылынан 35 шақырым жердегі далада тапты. Олар медициналық көмекке мұқтаж болмаған", - деп түсіндірді баспасөз қызметі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

іздеу СҚО

Вопрос от редакции

Что вы об этом думаете?