Кентауда қоқыс жәшігінен нәресте табылды: полиция анасын іздестіріп жатыр

Түркістан облысында жаңа туған сәбидің өлі табылуына байланысты қылмыстық іс қозғалды, - деп хабарлайды Tengrinews.kz тілшісі Түркістан облысы Полиция департаментінің баспасөз қызметіне сілтеме жасап.

Құқық қорғау органы мәліметінше, жаңа туған сәбидің анасын іздеу жұмыстары басталған.

"Полиция қызметкерлері үй-үйді аралап, бейнебақылау камераларындағы жазбаларды зерделеп, жақын маңдағы үйлердің тұрғындарын және мүмкін куәгерлерді сұрастырып жатыр, сондай-ақ медициналық мекемелер тексеріліп жатыр", – делінген хабарламада.

Полиция өкілдері тергеу жүргізіліп жатқанын, барлық мән-жай анықталған соң процессуалдық шешім қабылданатынын айтты.

Істің өзге деректері тергеу мүддесіне байланысты жарияланбайды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!