"Көк Төбе" телемұнарасы маңында жасырылған қару-жарақ табылды

Полиция қызметкерлері "Көк Төбе" телемұнарасы маңындағы бұталардан екі тегіс ұңғылы мылтық пен оқ-дәрілерді тапты, - деп хабарлайды Tengrinews.kz тілшісі Алматы Полиция департаментіне сілтеме жасап.

Аумақты инспектор-кинолог қызметтік із кесуші ит көмегімен тексеріп шыққан.

"Олар бұталардан екі мылтық тапты. Табылған зат сараптамаға жіберілді. Олар жаппай тәртіпсіздік барысында ұрлануы және қылмыстық мақсатта пайдаланылуы мүмкін", - деп мәлімдеді Медеу аудандық Полиция басқармасының бастығы Дәурен Өтебаев.

Сонымен қатар, полиция қызметкері қару мен оқ-дәрілерді өз еркімен тапсырған азаматтардың тәртіпсіздіктерге қатысы анықталмаса, қылмыстық жауапкершіліктен босатылатынын айтты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!