Көкшетауда тойға келген қонақтар рейд кезінде көлік жуу орталығы арқылы қашқан

Көкшетауда тойға келген қонақтар рейде кезінде көлік жуу орталығы арқылы қашқан, - деп хабарлайды KТК. 

Телеарна мәліметінше, Көкшетауда карантин қайтадан күшейген тұста той жасап, ойын-сауық құрғандар қатары да көбейіп кетті. Адам толы мейрамханалар, сондай-ақ, түнгі клубтар есіктерінбекітіп алып, құзырлы органдардың тексеруші топтарына қарсылық білдіріп жатыр.

Тексерушілер рейд жүргізу барысында осы мейрамханаға 4 сағат бойы кіре алмаған. Ал той ол уақытта әдеттегідей жалғасып жатқан.

"Әбден ішке кіре алмаған соң мейрамхананы полициямен бірге қоршап алдық. Кешенді ғимараттың кіріп-шығатын есіктері бірнеше жерде бар. Осы кезде көлік жуу орнынан біреу шығып, клиенттер машиналарын жууға түнге қалдырды деді. Кешікпей, есіктер кезек-кезек ашылып адам толы көліктер қаша жөнелді. Осылай бізді алдап соқты", - дейді Көкшетау қалалық санитарлық-эпидемиологиялық қадағалау басқармасы басшысының орынбасары Әсел Сәрсенбаева.

Телеарна мәліметінше, 1 қазаннан бастап облыс бойынша 600  рет рейд жүргізіліп, ережебұзушыларға 29 миллион теңге айыппұл салынған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!