Қостанай облысында 120-дан аса адам қар құрсауынан құтқарылды

Қостанай облысында 120-дан аса адам қар құрсауынан құтқарылды, - деп хабарлайды Tengrinews.kz тілшісі "Хабар 24"-ке сілтеме жасап.

Қостанай облысының бірқатар ауданында қатты жел мен қалың қар салдарынан жолдарда жағдай қиындап кетті.

Арна мәліметінше, қар басқан жолдардан 122 адам, оның ішінде 7 бала құтқарылған. Олардың ешқайсысы медициналық көмекке мұқтаж емес екені айтылды. Бір тәулік ішінде құтқарушылар жолдың тазартылған учаскелеріне 9 көлікті сүйреп апарған.

Департамент өңір тұрғындарына қолайсыз ауа райында елдімекендерден тыс жерлерге шықпауға кеңес береді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!