+7 (777) 001 44 99
Қазақша
Русский
English
14 ақпан 2022 | 17:51
Қостанайлық полицей 8 минут ішінде ер адамды мұз қатқан құдықтан шығарып алды
Қостанайда полиция қызметкері құдыққа түсіп кеткен ер адамды құтқарды, - деп хабарлайды Tengrinews.kz тілшісі.
ПОДЕЛИТЬСЯ
Қостанайда полиция қызметкері құдыққа түсіп кеткен ер адамды құтқарды, - деп хабарлайды Tengrinews.kz тілшісі.
Қостанай облысының Михайловка ауылында құтқару операциясы жүргізілді. Учаскелік инспектор Талғат Қаймусин жергілікті тұрғындармен бірге құдыққа құлап кеткен Алексей Цыгановты шығарып алған. Бұл оқиға түнде болған. Ауыл тұрғыны су әкелуге бара жатқан полицейдің алдынан жүгіріп шығып, ер адам құдаққа құлап кеткенін айтқан.
"Құдық өте терең, 15 метр болды. Шұғыл әрекет етіп, оны шығаруға тырыстық. Ол суда болғасын, тоңуы мүмкін еді. Бірден сымарқан лақтырдық, бірақ ол үзіліп кетті. Кейін тағы да сымарқан лақтырып, өзін орауды сұрадық", - деді учаскелік полиция инспекторы Талғат Қаймусин.
Ауыл тұрғыны Евгений Одиноков арқан әкелуге кеткенде, полицей құдыққа құлаған адамды ұстап тұрған. Жәбірленушіні қайта жоғарыға тарта бастаған, бірақ екі адамның күші жетпеген. Көршілерге қоңырау шалып, көмек сұрауға тура келген. Сөйтіп, төртеуі оны құдықтан шығарып алған. Құтқару операциясы шамамен 8 минутқа созылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
