+7 (777) 001 44 99
Қазақша
Русский
English
26 наурыз 2019 | 12:01
"Күшті соққының даусы естілді". Куәгерлер Нұр-Сұлтанда болған апат жайлы айтып берді
Куәгерлер Нұр-Сұлтанда болған жол-көлік оқиғасын егжей-тегжей баяндап берді, - деп хабарлайды Tengrinews.kz тілшісі.
ПОДЕЛИТЬСЯ
Куәгерлер Нұр-Сұлтанда болған жол-көлік оқиғасын егжей-тегжей баяндап берді, - деп хабарлайды Tengrinews.kz тілшісі.
"Көлікпен ортаңғы жолақта жүріп келе жатқанмын. Шамамен сағат 9.30-да Назарбаев Университеті жақтан қалаға қарай жүрдім. Бағдаршамның қызыл түсіне тоқтадым. Осы уақытта оң жағымнан күшті соққының даусы етілді. Көліктен шыққаннан кейін автобус асқан жылдамдықпен келе жатып соғылғанын көрдік. Зардап шеккендер көп", - деді қала тұрғыны Бақытжан Сәрсенов.
Ол алғашқы минуттарда барлық жүргізуші көлігінен шығып, зардап шеккендерге көмектескенін айтты.
"Жедел жәрдем жетті. 4 минутта келіп, жараланғандарды алып кетті. Оларға көп рақмет", - деді ол.
Еске салайық, 26 наурызда Қабанбай даңғылы мен Ұлы Дала көшесі қиылысқан тұста жол-көлік оқиғасы болған. Онда үш автобус пен жеңіл автокөліктер соқтығысқан. Қала маңынан жүретін № 303 автобус №12 бағыттағы қоғамдық көлікті соққан. Кейінірек № 53 автобусқа және жедел жәрдем каретасына соқтығысқан.
Апат салдарынан автобус жүргізушісі мен жолаушы қайтыс болғаны анықталды.
Нұр-Сұлтанда үш автобус соқтығысты: Қаза тапқандар бар
Нұр-Сұлтандағы жол апаты: зардап шеккен 25 адам ауруханаға жеткізілді
Показать комментарии
Читайте также
