+7 (777) 001 44 99
Қазақша
Русский
English
13 маусым 2023 17:47
Қызылорда тұрғындарын өрттен шыққан қою қара түтін шошытты
Қою қара түтін қызылорда тұрғындарын шошытты. Облыс орталығындағы аудандардың бірінің маңында өрт шыққан, - деп хабарлайды Tengrinews.kz тілшісі.
ПОДЕЛИТЬСЯ
Қою қара түтін қызылорда тұрғындарын шошытты. Облыс орталығындағы аудандардың бірінің маңында өрт шыққан, - деп хабарлайды Tengrinews.kz тілшісі.
Қызылордалықтар оқиға орнынан түсірілген видеоны бөлісті. Куәгерлердің айтуынша, өрт қаланың батыс бөлігінде шыққан.
Облыстық Төтенше жағдайлар департаментінің баспасөз қызметі мәліметінше, 2023 жылғы 13 маусымда сағат 11:12 шамасында Қызылорда қаласы, Қаратоғай көшесінің бойындағы Smart rubber ЖШС аумағында ескі дөңгелектер өртеніп жатқаны туралы хабарлама келіп түскен.
"Өрт аумағы - 800 шаршы метр. Өрт салдарынан қаза тапқандар мен зардап шеккендер жоқ. Өрттің таралуына жол бермеу жұмыстары жүргізіліп жатыр", - деді ведомствоның баспасөз қызметі өкілдері.
Оқиға орнына облыстық төтенше жағдайлар департаментінің 45 қызметкері мен 9 техника, сондай-ақ апаттар медицинасы орталығы филиалының 4 қызметкері және бір техника барған. Өрт сағат 14:47-де сөндірілді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
