Қызылордада бизнесмен жоғалып кетті

Қызылордада 72 жастағы бизнесмен жұмбақ жағдайда жоғалып кетті, - деп хабарлайды "Астана" телеарнасы.

Телеарнаның мәліметінше, Тынымбай Баженов 10 күн бұрын жоғалып кеткен. Таңғы сағат 5-те күнделікті серуендеуге шығып, сол күйі үйге оралмаған. Бизнесменнің туыстарының айтуынша, ол әдетте үйден телефонсыз шықпайтын. Алайда сол күні телефонын үйде қалдырып кеткен екен.

"Дәл сол күні телефонсыз, құжатсыз, ақшасыз шығып кетті. Полицейлер осы аумақтың барлығын қарап шықтық, әскерилермен де, кинологтармен де, еріктілермен де іздестірдік", - дейді кәсіпкердің туысы.

Олардың ойынша, Тынымбай Баженовті көлік қағып кетіп, қаланың сыртына алып кеткен болуы мүмкін. Қазіргі уақытта іздестіру жұмыстары жалғасып жатыр.