Lexus-ты тізгіндеген қыздар жерасты өткеліне түсіп кете жаздады

Lexus маркалы көлікті тізгіндеген қыз бала сәл болғанда Алматыдағы жерасты өткелінің біріне түсіп кете жаздады, деп хабарлайды СТВ телеарнасындағы "Территория происшествий" бағдарламасының тілшісі.

Оқиға сәуірдің 26-cы күні күндіз болған. Lexus көлігі Абай көшесімен шығысқа қарай келе жатқанда көлік ішінде екі қыз бала болған екен. Көлік жүргізушісі Достық көшесіне жақындағанда жүрген бағытынан жаңылып, екі көше қиылысындағы жерасты өткелінің діңгегіне барып соқтығысқан. Көлік апатынан ешкім зардап шеккен жоқ. Тек жүргізуші мұндай жағдайға қалай тап болғанын айтып бере алмады. Ол тек көліктің жылдамдығын асырмағанын ғана айтты.