+7 (777) 001 44 99
Қазақша
Русский
English
24 шілде 2023 | 17:55
"Мақсатына сай қолданылмады". Алматы облысында өткен әуе шарлары фестивалінде өртсөндірушілер не істеді?
Алматы облысы Төтенше жағдайлар департаментінің баспасөз қызметі әуе шарлары фестивалінде өрт сөндіру техникасы мақсатына сай қолданылмады деген сынға жауап берді. Мұндай пікірлер әлеуметтік желіде жарияланған видео сипаттамасында жазылған, - деп хабарлайды Massaget.kz тілшісі.
ПОДЕЛИТЬСЯ
Алматы облысы Төтенше жағдайлар департаментінің баспасөз қызметі әуе шарлары фестивалінде өрт сөндіру техникасы мақсатына сай қолданылмады деген сынға жауап берді. Мұндай пікірлер әлеуметтік желіде жарияланған видео сипаттамасында жазылған, - деп хабарлайды Massaget.kz тілшісі.
Әлеуметтік желіде фестивальға келгендердің үстіне өрт сөндіру көлігінен су шашылып жатқанын көрсететін видео тарады.
Кейбір қолданушылар өрт сөндіру құралдары мақсатына сай пайдаланбағанына наразы болған.
"Шарлар фестивалі өтетін жерге өрт сөндіру автокөліктерін тарту мәселесі бойынша, өрт қауіпсіздігін қамтамасыз ету үшін шарада Алматы облысы Төтенше жағдайлар департаментінің екі өрт сөндіру автокөлігі кезекшілікте болғанын түсіндіреміз.
Ауа температурасының жоғары болуына байланысты, жаппай күн өту жағдайының алдын алу үшін дәрігерлердің ұсынысы бойынша ұйымдастырушылар жиналғандарды салқындату үшін жасанды жаңбыр жасауды ұйғарды", - деп түсіндірді ТЖД өкілдері.
Сондай-ақ, департамент су бір көліктен шашылғанын, ал екінші көлік төтенше жағдайға дайын болғанын түсіндірді. Сумен қамтуды шараны ұйымдастырушылар жүргізген.
Сол күні "Қазгидромет" РМК мәліметінше, облыста ескерту жасалған, оған сәйкес Алматы облысының басым бөлігінде күндіз 35-39 градус ыстық болғаны айтылды. Өрт қаупі сақталған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
