Маңғыстау облысында жанармай бекетінің маңында көлік жарылып кетті

Маңғыстау облысында жанармай бекетінің маңында көлік жарылып кетті, - деп хабарлайды "Лада".

Портал мәліметінше, оқиға 11 желтоқсанда сағат 22:50 шамасында болған. Мұнайлы ауданындағы жанармай бекетінің маңында тұрған жеңіл автокөліктен өрт шыққан. Оған көлік ішіндегі газ құрылғысының жарылуы себеп болған.  

Аймақтың ТЖД баспасөз қызметінің мәліметінше, көлік өрт сөндірушілер келгенше жарылып кеткен. 

"Бұл оқиғадан ешкім зардап шеккен жоқ. Өрт 23:11-де сөндірілді", - деді ведомстводағылар. 

Куәгерлер оқиғаны видеоға түсіріп алған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!