Маңғыстау облысындағы балабақшада балалар жаппай уланып қалған

Жаңаөзенге қарасты Қызылсай ауылындағы балабақшалардың бірінің тәрбиеленушілері жаппай астан уланған, - деп хабарлайды Tengrinews.kz тілшісі Lada.kz-ке сілтеме жасап.

Маңғыстау облыстық денсаулық сақтау басқармасы баспасөз қызметінің мәліметінше, дәрігерлердің көмегіне 37 бала жүгінген.

"Жедел-жәрдем қызметіне Жаңаөзен қаласына қарасты Қызылсай ауылы тұрғындарынан 31 қаңтар күні сағат 20:13-те шақыру түскен. Олар іш тұсының ауырсынуына шағымданған. Жедел-жәрдем қызметкерлері тұрғындарды тексеріп шыққан. Дәрігердің көмегіне жүгінген 37 адамның төртеуі, бір ересек адам мен 3 бала ауруханаға жатқызылды. Қалғандары амбулаторлық ем алуға үйлеріне жіберілді. Қазір балабақша жабық", - делінген хабарламада.

Құзырлы органдар тексеру жүргізіп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!