Маңғыстауға барар жолда жүк көлігі түгі қалмай өртеніп кетті

Маңғыстауға барар жолда жүк көлігі өртеніп кетті, - деп хабарлайды "Лада".

Оқиға Жетібай-Құрық тасжолы учаскесінде болған. Жүк көлігі түгі қалмай жанып кеткен.

Облыстық Төтенше жағдайлар департаменті мәліметінше, құтқарушылар пультіне Қарақия ауданында Mercedes жүк көлігі мен жартылай тіркеме өртенгені туралы ақпарат 1 маусымда сағат 17:25-те түскен. Зардап шеккендер жоқ.

Өртті сөндіруге бес өртсөндіруші барған. Сағат 17:59-да өрт сөндірілген. Оқиға себебін кезекші тергеуші анықтап жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!